Non hai unha resposta única, cada peregrino coñece as súas limitacións, os obxectivos cos que emprende esta aventura e os seus intereses como turista que chega a unha nova cidade, val ou aldea. A duración do camiño, a dificultade dos seus trazados e a localización de cada un pode axudar a que o peregrino tome a mellor decisión.

Os camiños máis longos son o Camiño Francés, que conta con 37 etapas, e o Camiño do Norte, que dispón de 32, seguido de Vía da Prata, con 26 etapas. De todos eles, o Camiño Francés é o máis completo en canto a servizos. E é que é a ruta máis popular e tradicional e por tanto, máis transitada por peregrinos e peregrinas.

Nesta táboa, podes consultar o número de etapas nas que se dividen os distintos camiños, o número de quilómetros que as compoñen, así como o tempo estimativo que podes tardar en percorrelas. Iso si, lembra que hai dous factores que inflúen enormemente na duración do teu camiño: a condición física propia e a présa por chegar a Santiago.