Etapa de Vilalba a Baamonde

• Saída de Vilalba: Parece que a sinalización nas grandes localidades cojea un pouco. Desde o albergue entramos en Vilalba pola rúa principal e ao chegar a unha rúa onde indica LV-118 en dirección a Viveiro / As Pontes hai que virar á dereita e inmediatamente á esquerda pola primeira bocacalle. É a rúa Décima, onde atoparemos cunchas metálicas no solo. Saímos á praza Santa María e logo tomamos a rúa Concepción Areal.
• Polo demais etapa agradable e curta, con pouco asfalto e de marcado carácter rural.

Etapa curta que pode alargarse sen maior complicación se así se desexa, para que na etapa que finaliza en Sobrado non haxa que facer unha kilometrada.Hai diferentes opcións se non se quere durmir en Baamonde, ben alargar a etapa até o albergue privado Witericus en Carballedo, até o albergue A Lagoa na localidade do mesmo nome ou até Miraz. Facendo así a etapa desde Vilalba en 30,4  34,2  e  36,1 quilómetros respectivamente.

Baamonde é unha localidade do Concello de Begonte moi ben situada. Xusto á entrada desemboca a N-634 coa N-6 e pasa a autovía que une Madrid e A Coruña, a A-6. É unha pequena poboación duns 300 habitantes que celebra as súas festas o 11 de setembro, día da Virxe do Rosario de Baamonde.

• A igrexa parroquial de Santiago: É o monumento máis famoso do concello de Begonte. É de estilo románico de transición, do século XIII, e consta de nave e ábsida rectangular e oxival do século XIV. Fronte á igrexa hai un cruceiro triplo do s. XVIII e un castiñeiro esculpido no seu interior cunha escultura de Víctor Corral. Preto da igrexa están os restos da antiga fortaleza de Amarante destruída polos Irmandiños.
• Casa museo de Víctor Corral: Do coñecido escultor nado en Baamonde, onde poderemos admirar obras realizadas con diversos materiais como o granito, o bronce e a madeira.