Erantzuna ez da berdina guztientzat; erromes bakoitzak badaki zer muga dituen, zer helbururekin abiatu den abentura honetan, eta turista gisa zer interes dituen herri batera iristen denean. Bidearen iraupena, ibilbideen zailtasunak eta norberaren kokapena lagungarriak izan daitezke erromesak erabaki onena har dezan.

Bide luzeenak Frantziakoa (37 etapa) eta Kostaldekoa dira (32 etapa); hurrena, berriz, Zilarraren Bidea (26 etapa). Horietatik guztietatik, Frantziako Bidea da zerbitzuz osatuena. Izan ere, huraxe da ezagunena eta ohikoena, eta, beraz, erromes gehienek aukeratzen dutena.

Taula honetan ikus dezakezu bideak zer etapatan zatitzen diren, zenbat kilometro dituzten eta zenbat denbora behar den haiek egiteko. Gogoan izan, baina, bi faktore nagusik nabarmen eragiten diotela zure bidearen iraupenari: norberaren sasoia eta Santiagora iristeko presa.

BideakEtapakKilometroakBidea egiteko behar den denbora

Frantziako Bidea379405 aste

Bide Primitiboa1332113 egun

Iparraldeko Bidea328154-5 aste

Zilarraren Bidea267054 aste

Sanabriako Bidea1336815 egun

Euskal Bidea820310 egun

Katalaniar Bidea1432514-15 egun

Baztango Bidea61106 egun

Bide Ingelesa61197 egun

San Salbador bidea51285 egun

Epilogoa Fisterrari5151Astebete baino gutxiago

Mahastiak udaberrian

Honela ikusten dute erromesek Donejakue bidea

Foroa: Erromesek Donejakue bideari buruz duten iritzia